Top Channel/“Ndjekje ligjore për falsifikim”,Basha: Në 18 dhjetor, lëmë pas mbeturinat e komunizmit!

Kreu i Partisë Demokratike, Lulzim Basha ka ngarkuar sekretarin ekzekutiv të partisë që të çuar para përgjegjësisë të gjithë ata që falsifikuan dhe shpërdoruan simbolet e PD-së. Basha ka kujtuar edhe një herë se demokratët do të mblidhen në të vetmin Kuvend të vërtetë, atë të 18 dhjetorit ku do të diskutojnë dhe marrin vendime të rëndësishme për të ardhmen e tyre. Kryedemokrati e përmbylli fjalën e tij duke thënë se në 18 dhjetor PD do të lerë pas edhe mbeturinat e komunizmit dhe të korrupsionit dhe do të shohë drejt ndryshimit që meriton çdo demokrat dhe shqiptar.