SPAK ka reaguar pas urdhërit egzekutiv të presidentit Donald Tramp që pezulloi ndihmën e huaj ku përfshihen edhe fondet për drejtësinë shqiptare midis tyre edhe ndaj prokurorisë së posacme. Përmes zyrës së shtypit SPAK kujton se është një insitucion i pavarur që mbështetet tërësisht në buxhetin e shtetit shqiptar . Dhe për këtë SPAK sjell në vëmendje buxhetin e 2025 që sipas ligjit 115 të 2024 u miratua për strukturën e posacme kundër korrupsionit dhe krimit të organizuar. Duke shuar cdo aludim të mundshëm dhe duke konfirmuar vazhdimësinë, SPAK thekson se mbështetja e të huajve dhe e amerikanëve është tejet e rëndësishme për fuqizimin e punës së kësaj prokurorie. “Prej krijimit SPAK dhe BKH kanë patur mbështetjen e partnerëve ndërkombëtare përshi edhe shtetet e bashkuara të amerikës të cilët kanë dhënë kontributin e tyre përmes misioneve OPDAT, ICITAP, DEA dhe FBI” theksohet në reagim. Por kjo asistencë është e orientuar kryesisht në trajnime, vizita studimore, pajisje të ndryshme teknike dhe sistemin e menaxhimit të çështjeve. Megjithatë deri në një rishikim të dytë pas 90 ditësh, ndihma amerikane ku përfshihet edhe asistenca e OPDAT , ICITAP , DEA dhe FBI në fushën e trajnimeve, vizitave studimore , apo programet që do të sillnin më tej pajisje të teknologjisë së fundit mbeten të ngrira. Përpos ngrirjes së kësaj asistence ndaj SPAK, BKH që u ngrit sipas modelit të FBI dhe gjykatave të posacme , e njëjta gjë ka ndodhur në të gjithë sistemin e drejtësisë pa lënë mënjanë edhe ministritë e linjës dhe këshillat e gjykatave dhe të prokurorisë