Vetëm në 25 ditët e para të muajit korrik, në të gjithë vendin u ndezën 17 zjarre të qëllimshme. Nga të gjitha këto raste, policia thotë se mundi të identifikojë 14 zjarrvënës, nga të cilët njëri u arrestua dhe 13 të tjerët po hetohen në gjendje të lirë. Në prangat e policisë përfundoi autori i zjarrit në fshatin Peshtan të Fierit, ku dhe dëmet e shkaktuara nga flakët ishin më të mëdha. Me qëllim evitimin e këtyre situatave në këto ditë të nxehta, Drejtori I Përgjithshëm I Policisë së Shtetit u kërkoi të gjitha strukturave vendore që të intensifikojnë veprimet parandaluese si dhe të rritin bashkëpunimin me qytetarët por dhe me strukturat e tjera për të identifikuar dhe kapur të gjithë autorët. Ndërkohë uniformat blu apelojnë të gjithë banorët që të të mos ndezin zjarre pasi në të kundërt do përballen me ligjin.