Pas 24 orësh në Islandë skuadra edhe pas seancës të së shtunës ka mundur të ambientohet e të qetësohet pas udhëtimit të gjatë. “Po punojmë prej 10 ditësh. Po punojmë në mënyrë intensive dhe kam përshtypjen se skuadra është gati. Është e qartë se në fund të kampionatit, duket lodhja mendore, por lojtarët janë të motivuar dhe unë jam i kënaqur me punën e bërë deri tani. Shpresojmë të mund të bëjmë një paraqitje të mirë. Ky është objektivi ynë”, tha Reja. Trajneri i kombëtares shqiptare Edi Reja ka filluar pikërisht këtu aventurën e tij si trajner i Shqipërisë, për fat të keq me një humbke 1-0. “Kanë kaluar 3 vjet, kemi bërë mirë, por jemi në një pikë ku duhet bërë hapi përfundimtar. Kemi mundësinë që në këtë grup të kemi ambicien për ta fituar, por duhet të shohim çfarë thotë Islanda e Izraeli. Ne duhet të japim 100% të mundësive siç them gjithmonë dhe ai që do të zbresë në fushën e lojës duhet të japë maksimumin. Unë pres një paraqitje shumë të mirë për ndeshjen e nesërme. Do të na mungojë Broja dhe Uzuni sa do të ndikojnë ato tek kjo ndeshje?”, tha Reja.