Arrestimi në Sarandë i dy zyrtarëve, njëri në zyrën e Urbanistikës së Bashkisë dhe tjetri inspektor pranë Inspektoriatit Kombëtar të Mbrojtjes së Territorit erdhi pas denoncimit në emisionin investigativ të Top Channel, “Fiks Fare”. Me urdhër të Prokurorisë së Posacme, Gjykata dha masën “arrest me burg” për Ariel Balanin punonjës i Urbanistikës në Bashkinë e Sarandës dhe Julian Prenin inspektor pranë IKMT-së. Një vit më parë skemën e ryshfetit në dyert e administratës në Sarandë për të favorizuar një biznes në Ksamil e denoncuan vetë pronarët, të lodhur që nuk po gjenin zgjidhje. Foti dhe Sofi Doda kanë denoncuar se në vitin 2021 në Bashkinë e Sarandës, i pritur inxhinieri Ariel Balani, i cili ka marrë përsipër ndërhyrjen te Agjencia Kombëtare e Bregdetit në Tiranë që t’ju mundësonte një leje për të shfrytëzuar plazhin. Në këmbim ai ka kërkuar 12 mijë euro.