Një tjetër godinë e amortizuar në Durrës është kthyer në burim rreziku për banorët. Në lagjen nr. 7, shembja e strukturës prej betoni të çatisë në një objekt banimi ka ngritur shqetësime serioze për sigurinë. Ngjarja ndodhi afër mesnatës, duke shmangur pasoja për qytetarët, ndërsa policia bashkiake ka vendosur shirita sigurie pranë godinës ku hyjnë e dalin banorët. "Mbrëmë në 12 të natës, ne thonim "çfarë po bëhet, do ketë.... U bë nami. Kur pamë ne...U trembëm. Fat që nuk ishte ditë, se këtu luajnë fëmijët." Gruaja me lejla: "Është e rrezikshme. Aq më tepër siç e shikoni, katastrofë. Kemi frikë me hy në shtëpi se ja ajo, ajo pjesa tjetër për shembull është dëmtuar komplet, gati për të rënë. Asgjë s'na kanë thënë deri tani, s'di gjë."