Pas 5 ditësh në gjendje kome, humb jetën 24 vjeçarja e cila mbeti e plagosur në aksidentin e rëndë të ndodhur në aksin Prrenjas-Qafë Thanë pasditen e 7 Prillit. Drejtuesi I një mjeti tip Volsëagen ka humbur kontrollin duke përplasur jashtë aksit të rrugës 6 persona të së njëjtës familje dhe duke I plagosur rëndë ata. Jashtë rrezikut për jetën janë të plagosurit e tjerë ndërsa 24 vjeçarja nuk mundi tu mbijetojë plagëve të marra në kokë teksa mjeti e zuri poshtë. Ndërkohë pasditen e së shtunës policia ka arrestuar drejtuesin e mjetit, 44 vjeçarin që shkaktoi aksidentin. Artan Pishkashi së bashku me familjarët e tij, tre vajzat dhe bashkëshorten ishin kthyer nga emigrimi për të festuar Bajramin. Ata u ndalën në një biznes në Prrenjas për të takuar gjyshen kur një mjet i ka përplasur teksa ndodheshin jashtë makinës së tyre. Dëshmitarët i thanë Top Channel se e gjithë ngjarja ka ndodhur brenda pak sekondave. Ata nuk arritën të kuptojnë sesi një mjet me shpejtësi tej normave u fluturoi sipër kokave.