Qyteti i Gjilanit i ka dhënë nderin më të lartë presidentit të Shqipërisë, Bajram Begajt. Në një seancë solemne, Kuvendi Komunal e nderoi me titullin “Qytetar Nderi” për kontributin e tij gjatë kohës së luftës e në periudhën e shtet ndërtimit. Mirënjohjen që ka qyteti lindor i Kosovës e prezantoi para pjesëmarrësve, kryetari i komunës, Karriera e juaj ushtarake dhe profesionale lidhet ngushtë me lavdinë e Ushtrisë Çlirimtare të Kosovës dhe me shtet ndërtimin e Republikës së Kosovës. Për këtë arsye ky akt i shpalljes së titullit "Qytetar Nderi" është mirënjohje edhe për kontributin tuaj të çmuar në këtë fushë Presidenti shqiptar, Bajram Begaj pranoi titullin “Qytetar Nderi”, duke treguar një mirënjohje për Kosovën dhe duke premtuar bashkëpunim të vazhdueshëm. Shqipëria qëndroi krah Kosovës në momentet e saj më të vështira, në vuajtjet më të mëdha, në luftën e saj për mbijetesë dhe pavarësi. Ne do të qëndrojmë pranë njëri tjetrit kurdoherë, edhe në kohë paqeje. Në seancën ku u nderua Begaj, përfaqësuesit e Kuvendit Komunal të Gjilanit shprehën mirënjohjen më të lartë për figurën e tij.