Një personi njohur për qëndrimet radikale fetare është ndaluar pasditen e së enjtes në aeroportin mdërkombëtar të Rinasit dhe nuk është lejuar të hyjë në Shqipëri. Sipas informacioneve të Top Channel, bëhet fjalë për Imran Hosein, një predikues fetar dhe studiues islam nga Trinidad-Tobako, i cili ishte nisur nga Amerika e Jugut për një agjendë fetare në Shqipëri. Hosein ka qenë objekt i hetimeve nga autoritetet shqiptare për lidhjet e tij me veprime që lidhen me aktet e mundshme të terrorizmit. Policia kufitare ka marrë masa për ta ndaluar të hyjë në territorin shqiptar, duke bazuar veprimet e tij në informacione të sigurisë kombëtare që lidhen me kërcënime të mundshme ndaj rendit dhe sigurisë publike. Aktualisht, ai po mbahet në Aeroportin e Rinasit ndërsa po finalizohet procesi i rikthimit të tij në destinacionin nga ku u nis. Imran Hosein është një figurë e njohur për shkak të komenteve dhe ligjëratave mbi islamin dhe ndikimin që kanë ngjarjet e kohëve moderne në interpretimin e Kuranit. Hosein ka sulmuar izraelin duke e cilësuar një shtet politik të lidhur me fundin e botës. Lidhur me ndalimin e tij në Shqipëri, autoritetet shtetërore nuk kanë dhënë ende një qëndrim të detajuar, ndërsa burimet thonë se ai ka qenë nën hetim për disa kohë dhe është parë si një individ me rrezikshmëri të mundshme për sigurinë kombëtare.