NATO do të zhvillojë një nga stërvitjet më të mëdha ushtarake javën e ardhshme. Një personel prej afro 90 mijë trupash nga të 31 vendet anëtare të aleancës do të bëhen bashkë dhe do të tregojnë gatishmërinë e tyre në mbrojtje të territorit. Sipas Associated press, stërvitja vjen në një kohë kur nga lufta në Ukrainë nuk ka asnjë përparim nga të dyja palët ndërsa po përfliet dhe për një sulm të mundshëm nga ana e Rusisë drejt NATO-s. edhe pse asnjë document zyrtar nuk përmend rusinë, burime nga Brukseli për Associated press thanë se në fokus të kësaj stërvitjeje është testimi për të simuluar një konflikt në zhvillim me një kundërshtar të afërt. Që në këtë rast është pikërisht Rusia. Stërvitja “Steadfast Defender 24” “do të dëshmojë se NATO mund të kryejë operacione të ndërlikuara në shumë fusha dhe në çdo kohë për disa muaj në një hapësirë prej mijëra kilometrash, nga pjesa më e largët veriore e Evropës deri në atë qendrore dhe lindore”, tha një zyrtar i aleancës me 31 vende anëtare për Associated press. Të gjithë trupat do të dislokohen në Europë deri në fund të majit, ndërsa epiqendra e kësaj stërvitjeje do të jetë në Poloni dhe shtetet baltike si dhe në Gjermani. Pamjet: AFP