në kryeqytetin e libisë Tripoli u zhvilluan disa orë luftë pasi kryeministri i zgjedhur nga parlamenti rajonal tentoi të merrte kontrollin e institucioneve, cka çoi në përplasjen e grupeve kundërshtare militante. Sipas raportimeve, Fati Bashaga tentoi të merrte kontrollin e qeverisë nga rivali i tij që njihet nga OKB, Abdel Hamid Dbeibeh, i cili refuzon të largohet nga posti. Bashaga kreu tentativën e dështuar pas emërimit si kryeministër nga parlamenti rival lindor në qytetin Tobruk. Bashkë me forcat e tij ai hyri në Tripoli pas gati dy muaj ngërçi mes dy administratave të Libisë, por u tërhoq, sipas deklaratës së tij “për të ruajtur sigurinë e qytetarëve”. Në disa orë luftime me armë të rënda u dëgjuan në kryeqytet në orët e para të mëngjesit të së martës, dhe në mëngjes në rrugë mungonte trafiku i zakonshëm. Luftime ishin raportuar si në periferi dhe në zonat qendrore të Tripolit. Vendi afrikano-verior është në kaos e krizë që prej luftës së vitit 2014 e cila e ka ndarë administraten në dy fraksione armiqesore.