Rregullorja e re, që iu ndalon celularët gjatë seancave gjyqësore, është kundërshtuar njëzëri nga avokatët, të cilët kanë vendosur bojkot pa afat të seancave gjyqësore në Gjykatën e Posaçme Antikorrupsion. Vendimi u mor nga Këshilli i Dhomës Kombëtare të Avokatisë dhe hyn në fuqi menjëherë, ndërsa parashikohen ndëshkime për të gjithë ata që nuk e zbatojnë. Kreu i Dhomës Kombëtare të Avokatisë i bëri kërkesë GJKKO që të pezullojë menjëherë rregulloren e re, duke e cilësuar atë si anti-ligjore. Avokatët e pranishëm në mbledhjen e jashtëzakonshme renditën argumentet kundër rregullores së re. Rregullorja e re parashikon kufizime edhe ndaj mediave. Për këtë arsye, mediat dhe organizatat ndërkombëtare të gazetarëve e kanë kundërshtuar atë, duke argumentuar se cenon të drejtën e informimit.