Presidenti turk Recep Tayyip Erdogan, i kërkoi Papa Françeskut të ndihmojë në mobilizimin e botës me qëllim të vendosen sanksione kundër Izraelit për "masakrën" ndaj palestinezëve në Rripin e Gazës. Turqia ka shtuar angazhimin diplomatik për situatën në Gazaa dhe telefonata mes Erdoganit dhe Françeskut u zhvillua në këtë linjë, thotë REL. Kreu i shtetit turk ia bëri të qartë Papës se "gjakderdhja ndaj palestinezëve do të vazhdojë nëse komuniteti ndërkombëtar nuk e fshikullon shtetin hebre me sanksione”. Ankaraja konsideron se mesazhet e Papës janë të një rëndësie të veçantë për të “mobilizuar botën e krishterë dhe bashkësinë ndërkombëtare". kreu i Kishës Katolike deklaroi më herët se humbja e jetëve të pafajshme në Gaza ishte "e tmerrshme dhe e papranueshme". Erdogan, i cili ka mbështetur çështjen palestineze gjatë qeverisjes së tij 18-vjeçare, ka folur vazhdimisht kundër veprimeve të Izraelit. avionët luftarakë izraelitë ndërmorën së fundi 80 sulme ajrore në disa zona të qytetit të Gazës, shënjestra e të cilave sic u tha, ishin objektivat e terroristëve në enklavën palestineze. Ushtria izraelite deklaroi se ka shkatërruar 15 kilometra tunele të militantëve e ka rrafshuar shtëpitë e nëntë komandantëve të Hamasit. e diela u përshkrua nga zyrtarët palestineze si dita më vdekjeprurëse që prej ripërtëritjes së konfliktit gjatë fillimjavës së kaluar. 192 persona kanë humbur jetën deri tani që prej shpërthimit të dhunës, 58 nga të cilët janë fëmijë e 34 gra.