Pronari i ri i rrjetit social Twitter, Elon Musk, ka rikthyer llogarinë e bllokuar të ish-presidentit amerikan, Donald Trump në këtë platformë të rëndësishme komunikimi. Edhe pse vetë e kishte hedhur më parë si ide, ai u kujdes të merrte më parë sic tha dhe vetë, mendimin e përdoruesve përmes organizimit të një sondazhi online. “Njerëzit folën”, deklaroi Musk teksa përcillte rezultatet e hulumtimit: 51.8 për qind e më shumë se 15 milionë përdoruesve të Tëitter, sipas tij, votuan për rikthim. Trumpo vetë megjithatë duket se ende nuk e ka vendosur sesi do të veprojë, e ndoshta edhe zgjedh të mos kthehet më në këtë platformë pasi më herët tha se "nuk shoh ndonjë arsye për ta bërë një gjë të tillë". Tëitter e pezulloi përgjithmonë llogarinë e ish presidentit janarin e vitit 2021, pas sulmit në KOngres me arsyetimine rrezikut për nxitje të mëtejshme të dhunës. Musk e kishte pohuar që në muajin maj se nëse oferta e tij për blerjene platformës do të rezultonte e suksesshme, ai do ta anullonte pezullimin e Trumpit, duke e cilësuar vendimin e drejtuesve të mëparshem të kompanisë si "moralisht të gabuar dhe absolutisht budallallëk". Llogaritë e Trumpit janë pezulluara edhe në platforma tjera, si Facebook dhe Instagram, e tetorin e vitit të kaluar, ai vendosi të hapte rrjetin e vet social.