Elon Musk është në bisedime me qeverinë e Italisë për një organizimin e një luftimi në kafaz me Mark Zuckerberg në një vend historik të saj. Propozimi erdhi nga vetë miliarderi, por që në fillim, mundësia e një përballjeje të tillë mes tyre në Koloseun madhështor të Romës, është përjashtuar që në fillim. Pronari i X Corp dhe shefi ekzekutiv i Meta-s luajtën fillimisht me këtë ide përmes një serie postimesh në mediat sociale në muajin qershor, kujton The Guardian. Sfida e Musk mbërriti në kohën kur Zuckerberg përgatitej të hapte Threads, faqja që rivalizon fort Tëitterin. Ministri italian i kulturës, Gennaro Sangiuliano, pohoi se po diskutohet vërtet mbajtja e një ndeshjeje të tillë, por ajo nuk do të zhvillohet në kryeqytet. “Pata një bisedë telefonike të gjatë dhe miqësore me Elon Musk,” tha ai. “Ne folëm për pasionin e përbashkët mbi historinë e Romës së lashtë. Po diskutojmë mundësinë e organizimit të një eventi madhor bamirësie, me në sfond evokimin e historisë”, shtoi ministri. Zuckerberg u përgjigj në Threads: “Unë e dua këtë sport dhe jam përgatitur të luftoj që nga dita kur Elon më sfidoi. Nëse ai bie dakord për një datë të vërtetë, do të ma dëgjoni zërin”, ka shkruar kreu i Facebook. Musk i shtoi spekulimet të premten kur postoi në Tëitterin e riemërtuar tashmë si X, se përballja do të transmetohej drejtpërdrejt në rrjetet sociale, ndërsa shkruante fjalën "gladiatorë" pranë dy emoji-ve me shpata të kryqëzuara.