Pasi moti i keq bëri ‘kërdinë’ në Evropën Qendrore dhe atë Lindore, pritet që të zhvendoset drejt Britanisë së Madhe dhe Uellsit. Shërbimi meteorologjik Met Office paralajmëron për stuhi dhe reshje të dendura të shiu. Për pasojë pritet ndërprerje e energjisë elektrike, si dhe përmbytje të rrugëve. Britania do të jetë në alarm deri ditën e shtunë, thekson shërbimi meteorologjik i motit. Deri më tani nuk pritet të ketë anulim të fluturimeve apo të udhëtimeve me metro. Ndërkohë që Italia po përballet me një situatë të vështirë për shkak të përmbytjeve. Shtëpitë tashmë në disa rajone janë nën pushtetin e ujit, ndërsa 1000 persona janë evakuuar. Stuhia Boris ka sjellë përmbytje të mëdha dhe shira të rrëmbyeshëm, me viktima në Austri, Republikën Çeke, Poloni dhe Rumani. Ekspertët thonë se ndryshimet klimatike të shkaktuara nga emetimet e gazeve serrë të krijuara nga aktivitetet njerëzore po rrisin shpeshtësinë dhe intensitetin e ngjarjeve ekstreme të motit si shirat e rrëmbyeshëm dhe përmbytjet.