Skena tmerri ka përjetuar një shofer në zonën Dionysiou të komunës Nea Propontidha të Halkidhikisë kur ujërat e vrullshëm e kanë rrëmbyer automjetin e tij . Fatmirësisht disa minuta më vonë ka mundur ta braktisë dhe të gjejë një vend të sigurtë. Por një alpinist ka humbur jetën në rrethana të panjohura në ujërrat e rrëmbyera të një përroi pranë malit të Olimpit .Një valë moti ekstrem me shira të rrëmbyeshëm, stuhi dhe breshër ka përfshirë Greqinë veriore duke shkaktuar dëme të mëdha. Sidomos në zonat përreth Selanikut disa përrenj kanë dalë nga shtrati dhe rrugët janë pëmbytur. Dëme materialë kanë pësuar disa dhjetëra shtëpi ,ndërsa edhe shumë makina janë rrëmbyer nga vërshimi i ujërrave. Banorët kanë qëndruar zgjuar gjatë gjithë natës për të mbrojtur jetën dhe pronën e tyre . Shërbimi Zjarrfikës ka pranuar qindëra telefonata për ndihmë.