Serbia po përballet me ekstremitet të motit të ashpër me stuhi shkatërrimtare, të cilat i morën jetën një 12-vjeçari dhe një gruaje tjetër. Mediat vendase raportojnë se në qytetin verior serb të Novi Sadit, djali 12-vjeçar u gjet i vdekur në rrugë gjatë stuhisë, por mbetet e paqartë nëse ai ishte goditur nga rrufeja apo është vrarë nga rryma. Rreth 30 persona kanë kërkuar ndihmë mjekësore, ndërsa shumë rrugë kanë mbetur të bllokuara. Në fshatin Kovaçica, në verilindje të Serbisë, një grua ndërroi jetë nga tymi, pas shpërthimit të një zjarri, kur rrufeja goditi pemën pranë shtëpisë së saj. Stuhia e së premtes fillimisht goditi Slloveninë, duke vazhduar drejt Kroacisë, e më pas drejt Serbisë dhe Bosnjës, ku solli erëra të fuqishme dhe shira të rrëmbyeshëm. Autoritetet raportuan probleme me furnizimin me energji elektrike dhe dëme të mëdha, përfshirë pemë të shkulura, të cilat dëmtuan automjete dhe çati shtëpish. Stuhia vdekjeprurëse vjen pak ditë pas vdekjes së gjashtë personave në rajon, katër prej të cilëve në Kroaci, një në Slloveni dhe një në Bosnjë. Meteorologët njoftuan se stuhitë ishin shumë të fuqishme, pasi erdhën direkt pas temperaturave shumë të larta, ndërsa shkaku kryesor janë nxitur nga ndryshimet klimatike. Të kundërtën po përjetojnë disa vende të Europës, pasi temperaturat vijojnë të mbeten ekstremisht të larta prej disa ditësh. Situata ende vijon problematike, pasi shpalljes së alarmit të kuq, deri në një njoftim të dytë. Paralajmërime janë bërë se vala e të nxehtit do të vijojë ende për shumë vende. Pamjet: AFP