Top Channel/ “Moska blen armë nga Koreja e Veriut”. Vota në OKB e Rusisë nxiti akuzat e Perëndimit

Vendim i Rusisë për të vendosur veton ndaj një rezolute të Organizatës së Kombeve të Bashkuara që shfuqizon nmekanizmin që mbikëqyrte zbatimin e sanksioneve ndaj Koresë së Veriut për programin e saj bërthamor, ngre mjaft pikëpyetje, sipas mediave botërore. Pavarësisht se në të kaluarën e kishte mbështetur, këtë të enjtë në ndryshe nga 15 anëtarët e Këshillit të Sigurimit që votuan në favor, Moska votoi kundër, ndërsa Kina abstenoi. Ky votim nxiti akuzat e Perëndimit se Moska po vepron për të fshehur blerjen e armëve nga Koreja e Veriut për luftën e saj në Ukrainë, duke shkelur sanksionet e OKB-së. Rezoluta e Këshillit të Sigurimit do të mundësonte zgjatjen e mandatit të ekspertëve mbikëqyrës për zbatimin e sanksioneve ndaj Koresë së Veriut edhe për një vit, por vetoja e Rusisë i dha fund këtij mekanizmi, ndonëse sanksionet ndaj Koresë së Veriut ende mbesin në fuqi. Zëvendës ambasadori amerikan Robert Ëood i tha këshillit pas votimit se vetoja e Rusisë nuk ishte asgjë më shumë se “një përpjekje e një anëtari të këshillit për të mbyllur hetimet e pavarura objektive” për shkeljen e sanksioneve ndaj Koresë së Veriut. Ambasadorja britanike në Organizatën e Kombeve të Bashkuara Barbara Ëoodëard tha se vetoja ruse erdhi pas marrëveshjeve të armatimit mes Rusisë dhe Koresë së Veriut në kundërshtim me sanksionet e OKB-së, përfshirë “transferimin e raketave balistike, të cilat Rusia i ka përdorur në sulmin e saj të jashtëligjshëm ndaj Ukrainës që nga fillimi i këtij viti.” Veton ruse e dënoi edhe Zëdhënësi i Departamentit të Shtetit, Mattheë Miller, i cili akuzoi Moskën se me këtë vendim synon të fshehë bashkëpunimin e saj ushtarak me “Veprimet e Rusisë kanë minuar në mënyrë cinike paqen dhe sigurinë ndërkombëtare. Gjithcka ka ndodhur për të çuar përpara pazarin korruptiv që Moska ka arritur me Korenë e Veriut ” Ndërkohë për ambasadorin rus në Organizatën e Kombeve të Bashkuara Vassily Nebenzia sanksionet e perëndimit për Korenë e Veriut ishin të parëndësishme. Pamjet: AFP