Donald Trump i dërgoi fshehurazi makinat e testimit të Covid-19 te Vladimir Putin në fazat e hershme të pandemisë, kur burime të tilla ishin në mungesë, zbulon reporteri veteran Bob Woodward në një libër të ri, raporton The Guardian. Sipas reporterit, Trump dërgoi në fshehtësi Putinit një grup makinerish testimi të Abbott Point of Care Covid për përdorimin e tij personal. Në përgjigje, presidenti rus i tha homologut të tij amerikan: “Unë nuk dua që ju t’i tregoni askujt sepse njerëzit do të zemërohen me ju” Woodward raporton gjithashtu se marrëdhënia mes dy liderëve, jashtëzakonisht e diskutueshme gjatë fushatës së parë presidenciale të Trump dhe katër viteve pasuese në Shtëpinë e Bardhë, ka vazhduar që kur Trump ka qenë jashtë pushtetit, përmes deri në shtatë telefonata private. Në një skenë, Woodward rrëfen një moment në Mar-a-Lago ku Trump i thotë një ndihmësi të lartë të largohet nga dhoma në mënyrë që ai të mund të kishte atë që ai tha se ishte një telefonatë private me presidentin rus Vladimir Putin.