Mbrëmjen e së mërkurës u mbajtën homazhe për Egli Progën në Pogradec, në vendin ku ai humbi jetën pasi u dhunua nga Denis Meçe. Jonida, motra e të ndjerit, ka bërë apel për drejtësi dhe deklaroi në emër të familjes së të ndjerit se nuk dëshirojnë që nga kjo fatkeqësi të përfitojë dikush, e as që të politizohet ngjarja. Qytetarë të shumtë u mblodhën në Pogradec në vendin ku ndodhi ngjarja tragjike dh humbi jetën 42 vjeçari Egli Proga, pasi u dhunua nga Denis Meçe. Homazhe u mbajtën edhe në disa qytete të tjera, ku qytetarë nga Korça, Tirana dhe Durrësi u solidarizuan për vrasjen e babait të dy fëmijëve. Për ngjarjen reaguan institucionet shtetërore, ndërsa Inspektoriati i Lartë i Drejtësisë ka nisur verifikimet në adresë të gjyqtares dhe prokurorisë së Korçës, që hetuan të dyshuarin për vrasjen e Progës.