Rreth 9,000 klientë bankash në Etiopi raportohet se kanë kthyer përsëri shumën që kishin tërhequr gabimisht gjatë një keqfunksionimi të sistemit. Banka Komerciale e Etiopisë ka marrë tashmë 10 milionë dollarë, që janë rreth 78% e parave të humbura gjatë një gabimi që i lejonte klientëve të tërhiqnin më shumë para nga sa kishin në llogaritë e tyre. Zëdhënësi Abe Sano njoftoi se ishin regjistruar 238,293 transaksione “ilegale” në bankomatët e vendit, kur banka më e madhe e vendit në lindje të Afrikës u përball me probleme. Zyrtarët thonë se ende nuk e dinë çfarë ka shkaktuar gabimin në sistem, por banka qëndrore e vendit tha se kishte të bënte me një “problem të shërbimit” dhe jo një sulm kibernetik. Një total 14 milionë dollarësh rezultojnë të humbura, sipas bankës qendrore, e cila shtonte se 9,281 klientë kishin kthyer të gjitha paratë shtesë, kurse 5,160 kishin kthyer një pjesë të parave. Banka ka rreth 40 milionë klientë në vend. Pamjet: AFP