Ngjarja tronditëse që ndodhi mbrëmjen e së mërkurës në lagjen 18 të qytetit të Korçës ku Ilo Lluka 61 vjeç vrau Emiljano Pinen 40 vjeçar dhe më pas veten është kapur nga kamerat e sigurisë së një biznesi në zonë. Nga pamjet filmike duket Emiljano Pine duke ecur me celular në dorë pasi ka dalë nga lokali që shkon në drejtim të cepit të rrugës dhe sapo ai ndalon autori Ilo Lluka i afrohet dhe e qëllon disa herë. Sapo 40 vjeçari rrëzohet në tokë, autori vendos armën në kokë dhe qëllon edhe veten. Një kalimtar i rastit i cili ka dëshmuar gjithë ngjarjen duker gjithashtu në pamje teksa largohet i tmerruar. Krimi i rëndë sipas hetimeve të deritanishme të policisë ka ndodhur për shkak të një çështje pronësie kjo pasi nëna e Emiljano Pine kujdesej për babain e autorit prej pesë vitesh. I moshuari jetonte në banesën e familjes Pine dhe kishte vendosur që shtëpine që kishte në pronësi tja linte trashëgim viktimës Emiljano Pine çka duket se ka bërë që Ilo Lluka i cili jetonte në Greqi të vijë dhe të kryejë vrasjen e më pas të vetëvritet.