Top Channel/ Moldavia akuza Moskës: Kemi zbuluar komplot rus për ndërhyrje në zgjedhje!
03/10/2024 21:29

Forcat pro-Kremlinit janë duke ndërhyrë në zgjedhjet e ardhshme presidenciale të Moldavisë, duke paguar dhjetëra mijëra votues në një komplot të gjerë për të mos e lejuar Kishinjevin të lidhë marrëdhënie të ngushta me Bashkimin Evropian, thanë Policia dhe Prokuroria e Posaçme Kundër Korrupsionit e Moldavisë. Gjatë një konference më 3 tetor, kreu i Inspektoratit të Përgjithshëm të Policisë, Viorel Cernauteanu, dhe shefja e Prokurorisë Kundër Korrupsionit, Veronica Dragalin, thanë se vetëm gjatë muajit shtator më shumë se 15 milionë dollarë nga bankat ruse janë transferuar në llogaritë e më shumë se 130.000 qytetarëve moldavë. Cernauteanu tha se policia ka kryer bastisje në 25 vende si pjesë e hetimit. Dyshohet se komploti është organizuar nga Ihan Shor, një oligark në arrati i mbështetur nga Rusia, i cili është i përfshirë në një skemë mashtrimi bankar prej 1 miliard dollarësh dhe skema të tjera të paligjshme. Ai ka organizuar muaj të tërë protestash në Kishinjev kundër Qeverisë properëndimore të presidentes moldave, Maia Sandu. Sipas Cernauteanut, paratë janë futur në Moldavi përmes njerëzve të lidhur me Shorin. “Po përballemi me një fenomen të paparë për Republikën e Moldavisë – financim dhe korrupsion, me synimin për ta prishur procesin zgjedhor”, tha Cernauteanu, duke shtuar se vendi Moldavia është në shënjestër të “sulmeve të drejtpërdrejta nga Federata Ruse”. Sandu i ka cilësuar zgjedhjet e 20 tetorit si një test për politikat e saj proevropiane. Zgjedhjet do të mbahen së bashku me një referendum për atë nëse Moldavia duhet të jetë në gjendje të anëtarësohet në Bashkimin Evropian. Sandu, e cila po e kërkon mandatin e dytë, e ka akuzuar Rusinë prej kohësh se po bën përpjekje për të rrëzuar Qeverinë e saj nëpërmjet metodave të ndryshme. Moska i ka mohuar këto pretendime. Edhe Shtetet e Bashkuara kanë paralajmëruar për planet e dyshuara ruse për të përdorur dezinformimin për të ndërhyrë në zgjedhjet në Moldavi, me qëllim për të penguar përparimin e rëndësishëm të Moldavisë në reforma. Ministri i Jashtëm moldav, Mihai Popsoi, u shpreh i bindur në fillim të shtatorit se autoritetet dhe shoqëria moldave mund të garantojnë zgjedhje të qeta dhe demokratike, pavarësisht frikës nga ndërhyrja ruse. “Ne po punojmë me elektoratin tonë, po zhvillojmë fushatë, duke shpjeguar rreziqet dhe kërcënimet me të cilat përballet Moldavia në një mjedis demokratik, në një hapësirë demokratike konkurruese, të cilën për fat të keq kandidatët prorusë nuk do të mund ta gëzonin në Rusi”, tha Popsoi për Radion Evropa e Lirë.

Top Channel/ Merz përshëndet marrëveshjen, shpreson edhe në arritjen e akordeve të tjera tregtare
27/07 23:07
Top Channel/ Mesdheu në flakë! NASA trondit me pamjet nga hapësira. Si duket Shqipëria
27/07 21:50
Top News – Britania, flotë balonash spiune / ‘Kopjon’ Kinën, mjetet po testohen në SHBA
27/07 19:10
Top News – Kursen Tokën por godet Hënën / Asteroidi i frikshëm po vjen, çfarë do ndodhë?
27/07 19:00
Top News – Rusia ‘nxiton’ në Ukrainë / Kërkon fitore të mëdha para ultimatumit të Trumpit
27/07 18:30
Top News – Ferr në Turqi, skena apokaliptike / Zjarret përfshijnë vendin, banorët braktisin shtëpitë
27/07 18:30
Top News – Ukraina, rrebesh dronësh mbi Moskë / Rusia: Rrëzuam 291, shkëmbim i ashpër zjarri
27/07 17:45
Top News – Rusia, më shumë armë se NATO! Kush e ka epërsinë dhe në cilat kategori…?
27/07 17:30
Top News – Avioni ‘zhytet’ 100 metra në 36 sekonda/ Për të shmangur aeroplanin tjetër, alarm në SHBA
27/07 16:17
Top News – Do ta fitojmë luftën me Amerikën! Kim Jong Un betohet në përvjetorin e luftës së koreve
27/07 13:15
Top News – Ballkani Perëndimor po digjet / Greqia në luftë me flakët, evakuohen fshatrat
27/07 12:19
Top Channel/ Izraeli ndalon sulmet, Netanyahu vendos ”pauzë humanitare” pas presionit ndërkombëtar
27/07 11:17
Top Channel/ Orban me paralajmërimin e frikshëm: BE ka rrezik të shkatërrohet
26/07 22:42
Top Channel/ Trump luan golf, skocezet e presin me protesta: S’je i mirëpritur
26/07 21:55
Top News – Orban, presion Brukselit me 2 trilionë eurot e buxhetit
26/07 20:00
Top News – Kriza e urisë në Gaza. 83 fëmijë ndërruan jetë për mungesë ushqimi
26/07 20:00
Top News – Trump në ‘librin’ Epstein. Demokratët kërkojnë një kopje të shënimeve të ditëlindjes
26/07 12:37
Top Channel/ Kamboxhia kërkon paqe, vijon lufta me Tailandën
26/07 12:04
Top Channel/ Golf dhe diplomaci, Trump shkon në Skoci për pushime, takim me Starmer e Von Der Leyen
26/07 12:03
Top News – Golf, biznes dhe diplomaci. ‘Pushimet e punës’ të Trump gjatë vizitës në Skoci
26/07 11:19