Pas një jave shtrimi në spitalin Xhemeli, mjekët e Papa Françeskut, përfshirë profesor Serxho Alfieri, kanë ofruar një pasqyrë të gjendjes shëndetësore të tij. Ata kanë theksuar se, përkundër faktit që Papa ka një sëmundje kronike, ai nuk mund të konsiderohet jashtë rrezikut. “Ne nuk bëjmë lajme të rreme dhe në buletinet tona themi vetëm të vërtetën. Edhe Papa e ka bërë gjithmonë. Tani që po flasim jeta e tij nuk është në rrezik, por nuk mund të thuhet se kjo vlen edhe për të ardhmen. – ka thënë profesor Alfieri. - Papa e di që situata është e rëndë, por e ka zemrën të fortë”, ka shtuar ai. Mjekët kanë nënvizuar se Papa ka një humor të mirë dhe është në gjendje të bëjë shaka, por se situata shëndetësore është serioze, duke pasur parasysh moshën e tij 88-vjeçare. “Rreziku më i madh është Sepsis. Tani këto mikrobe, që sot ndodhen në mushkëri, pavarësisht të gjitha terapive, rrezikojnë të kalojnë në gjak. Në atë moment sepsis do të ishte i vështirë për t'u kuruar”, ka deklaruar profesor Sergio Alfieri. Mjekët saktësuan se Pavarësisht kësaj, ai nuk është i lidhur me ndonjë makineri dhe merr oksigjen vetëm kur është e nevojshme. Sipas mjekëve, ai do të qëndrojë në spital edhe gjatë javës së ardhshme, dhe ka një mundësi të lartë që të kthehet në Santa Marta pas përfundimit të trajtimit.