Këto janë pamjet e kamerave të sigurisë në një spital në Kamçatka të Rusisë, rajoni i goditur sot nga tërmeti. Një ekip mjekësh të këtij spitali po kryenin një ndërhyrje kirurgjikale kur tërmeti më magnitudë 8.8 shkundi të gjithë vendin. Pavarësisht lëkundjeve të vazhdueshme dhe lëvizjes së aparaturave në sallë, mjekët nuk kanë lëvizur. I gjithë stafi është përpjekur të mbajnë fort pacientin që po I nënshtrohej ndërhyrjes kirurgjikale Tërmeti, më i madhi në Kamchatka në 73 vjet, ka shkaktuar cunami në Rusi dhe alarme në pothuajse të gjitha vendet e Paqësorit. Televizioni shtetëror rus gjithashtu transmetoi pamje të një vale cunami që përshkoi qytetin Severo-Kurilsk. Valët e cunamit u përplasën në zonën e portit dhe përmbytën një fabrikë peshkimi, sipas autoriteteve. Dallgët katër metra të larta në disa zona arritën rreth 400 metra larg vijës së bregut. Autoritetet në rajonin Sakhalin, i cili përfshin Ishujt Kuril shpallën gjendje të jashtëzakonshme.