Kryebashkiakia e re e Parisit, Anne Hidalgo ka revoltuar shumë zyrtarë e qytetarë me deklaratën e saj se do krijonte një komision për të eksploruar mënyrat sesi rezidentët ‘të mësojnë të bashkëjetojnë paqësisht’ me minjtë e qytetit dhe jo t’i zhdukin ata. “Qyteti i dritave” besohet se popullohet nga rreth 6 milionë brejtës, ndërkohë që vetë popullsia e Parisit llogaritet pak më shumë se 10 milionë ne total. Politika e re është shumë ndryshe nga ato të ndjekura më parë në Paris. Politikat e qyteti kundër minjve në vitin 2017 përfshinin 1.8 milionë dollar fonde për kosha hermetikë mbeturinash si dhe helm kundër minjve të shpërndarë në mijëra vende në qytet. Problemi i minjve besohet se është përkeqësuar nga fushatat e protestave dhe grevave kundër reformës së pensioneve të qeverisë Macron, ku mbeturinat qëndruan të pambledhura për disa javë. Kritikat ishin të shumta, sipas shumicës bashkia thjesht po dorëzohet ndaj problemit të eliminimit të brejtësve. “Anne Hidalgo dhe ekspertët e saj nuk ndalojnë kurrë së habituri,” shkruante politikani Geoffroy Boulard, që gjithmonë ka folur për problemin e minjve në Paris. “Qyteti ynë Parisi meriton shumë më tepër se kaq”. Paris ka një histori të stuhishme me minjtë parazitë të cilët më herët ishin fajësuar për përhapjen e murtajës, e cila vrau gjysmën e qytetit në shekullin e 14-të. Por qyteti nuk është i vetëm në çështjen e minjve teksa prillin që shkoi Neë York u shpall qyteti ‘mbret’ i minjve, e ndjekur më pas nga qyteti tjetër francez Toulouse. Pamjet: AFP