26 ministra të punëve të brendshme të Bashkimit Europian, bashkë me ata të Ballkanit Perëndimor në kuadër të Procesit të Berlinit u mblodhën në Tiranë për diskutuar çështjet e menaxhimit të Integruar të Kufijve, Bashkëpunimi Rajonal në luftën kundër krimit të organizuar dhe Partneriteti kudra krimeve kibernetike. Deklarata finale e ministerialit e vendos theksin në nevojën e një reagimi të bashkërenduar mes vendeve të BE dhe Ballkanit Perëndimor. “Duhen eksploruar mënyra të reja në përballjen e sulmeve kibernetike si dhe një përpjekje të bashkërenduar rajonale. Ministrat ranë dakord për të pasur një fokus më të fortë tek menaxhimi i integruar i kufinjve. Kërkojmë një mbështetje më të fortë nga BE në shtimin e kapaciteteve për sigurinë e kufijve dhe emigracionit. Lufta ndaj krimit të organizuar së pari e mbi të gjitha shkakton dëm të madh financiar dhe për këtë është kërkuar sot më shumë bashkëpunim ndërmjet njëri tjetrit. Kërkohet rritja e nivelit të bashkëpunimit me agjencitë e BE-s”- tha Balla. Deklarata me 10 pika përmban edhe atë çfarë kërkuan ministrat e punëve të brendshme të rajonit me theks pamundësinë e të qenurit vetëm në përballjen me sulmet kibernetike. “Vendet e Ballkanit perëndimor kanë kërkuar të jenë pjesë e rrjetit CSIRT. Po ashtu shprehën nevojën për trajnime e teknologji për ekspertët e sigurisë kibernetike. Këto janë thelbësore në përgjigjen e sulmeve kibernetike. Gjithashtu janë të domosdoshme mbështetjet financiare të përcaktuara për çdo shtet”- tha Balla.