Pronari i kompanisë gjermane Ëürth viziton portin e Durrësit. Mbrëmjen e së enjtes super jahti "Vibrant Curiosity" (Kureshtje e gjallë) i miliardierit Reinhold Ëürth u bregëzua në portin më të madh të vendit. Gjatë qëndrimit në këtë port, super jahti, me një vlerë prej 150 milion dollarësh do të furnizohet me karburant. Ai mbërriti nga Dubrovniku dhe nesër do të vijojë lundrimin drejt Korfuzit. I ndërtuar në Hollandë, jahti luksoz mban deri në 18 persona të ftuar dhe një ekuipazh prej 26 vetash që ofrojnë shërbim cilësor për pronarin dhe të ftuarit e tij. Ai konsiderohet një vepër arti jo vetëm e inxhinierisë dhe dizajnit, po dhe konceptimit të hapësirave brenda tij. Këtë vit për të gjitha jahtet turistike po aplikohet taksa e luksit për ccdo litër karburanti me të cilin ato furnizohen në vendin tonë. Vetëm nga furnizimi me 70 mijë litra naftë i këtij mjeti luksoz, brenda pak orësh sa do të zgjasë furnizimi, arka e shtetit përfiton 2,8 milion lekë. Burime nga Autoriteti Portual i Durrësit bëjnë me dije për TCH se pavarësisht vendosjes së taksës së luksit që është 40 lek për ccdo litër naftë, jahtet janë të shumta dhe vazhdojnë të ndalen në Durrës për furnizim, pasi ccmimi sërish mbetet konkurues me vendet e tjera në rajon.