Top Channel/ Miku i familjes përdhunon të miturën në Greqi, e filmonte të zhveshur dhe e kërcënonte

Një 55-vjeçar është arrestuar në Selanik pas denoncimit të një 24-vjeçareje e cila ka treguar se është përdhunuar dhe kërcënuar vazhdimisht, kur ajo ishte vetëm 7-vjeç. Burri u arrestua pas një ankese të bërë 15 vite më vonë nga vajza, ku zbulohet se ai e kishte mbajtur nën mbikëqyrjen e tij pasi ishte mik i familjes dhe e fotografonte të zhveshur duke e përdhunuar vazhdimisht. Sipas mediave greke, gjithçka nisi në vitin 2006, fillimisht në Selanik dhe më pas në Kavallë, ndërsa në vitin 2010 ai shantazhoi vajzën që t’i nënshtrohej dëshirave të tij, në të kundërt do postonte në internet fotot që kishte në kompjuter. Ndaj 55-vjeçarit u ngrit një dosje nga Nëndrejtoria për Mbrojtjen e të Miturve pranë Drejtorisë së Sigurimit të Selanikut, për përdhunim, akte seksuale me të mitur nën moshën 12 vjeç, abuzim me të mitur nën moshën 12 dhe pornografi duke përdorur një të mitur nën moshën 12 vjeç.