Me 218 vota pro, republikani Mike Johnson është rizgjedhur kryetar i dhomës së Përfaqësuesve. Ligjvënësit 52-vjeçar nga Luiziana i duhej një shumicë e thjeshtë për t'u zgjedhur si ligjvënësi më i lartë i Uashingtonit, ne krye të Dhomës së Përfaqësuesve, por tre republikanë fillimisht votuan për kandidatët e tjerë dhe Johnson ishte në gjendje të siguronte fitoren vetëm pas negociatave të stërzgjatura me ta. Zgjedhja e kryetarit të dhomës së përfaqësuesve është një nga aktet e para të Kongresit të ri, që pritet të mblidhet më 6 janar për të certifikuar fitoren e zgjedhjeve presidenciale të zotit Donald Trump. Votimi i sotëm po ashtu vuri në provë ndikimin e zotit Trump në Kapitol. Me betimin e zotit Trump në 20 janar, republikanët do kenë kontrollin e të tre degëve të qeverisjes në 2 dhomat e Kongresit dhe në Shtëpinë e Bardhë.