Presidenti francez Emmanuel Macron sheh "probleme serioze" midis Francës dhe Britanisë së Madhe. Shkas për këtë është një deklaratë për Francën e kandidates me shanse më të mëdha për t'u bërë kryeministre e Britanisë së Madhe. Të enjten, në takimin e parafundit të fushatës konservatore në Norfolk, Liz Truss iu përgjigj pyetjes nëse presidenti francez Emmanuel Macron ishte "mik apo armik": "Gjykimi akoma nuk është bërë". Ajo do ta gjykojë Macronin si kryeministre me "vepra, jo me fjalë”. Macroni foli që nga Algjeria, ku ndodhet për një vizitë zyrtare. Ai tha se "nuk është mirë të humbasësh orientimin. Fjalët kanë një kuptim: mik apo armik". Po t'i bëhej e njëjta pyetje, ai "nuk do të hezitonte për asnjë sekondë", tha Macroni. "Franca është mike e popullit britanik”.