Disa mijëra ukrainians demonstronin sot në qendër të kryeqytetit Kiev kundër vaksinave të Covid-19 dhe diskriminimit ndaj të pavaksinuarve në vend. Vendi ka shtuar masat e sigurisë pas një rritjeje të raportuar të infektimve, por protestuesit thonin se nuk i pranojnë kërkesat absurde të qeverisë. 21 vjeçari Nazar Fedorets, tha: "Nuk dua t’i bëj ... Në fillim na detyruan të mbajmë maska, tani po na detyrojnë të imunizohemi. Nuk besoj në teoritë se po na implantojnë mikroçipe, por nëse sot më kërkojnë të vaksinohem, nesër mund të më kërkojnë të heq të mbathurat”. Ekonomistja Olena Pokushnyaka, tha: "Protestoj për faktin se kandidatët e vaksinave po hyjnë tashmë në fazë të tretë e të katërt. Nuk dua të marrr pjesë në eksperimente klinike, veçanërisht kur jam sëmurur njëherë dhe kam numër të lartë anti-trupash”. Shitësja Olena Makovik, tha: "Çfarë po bëni zoti President, afrohuni te njerëzit! Dëgjoni dhe kuptoni që të merrni vendimet e duhura. Vendimet merren për ne dhe për Ukrainën, jo për ata që diktojnë nga Perëndimi që të fitojnë sa më shumë para. Mendoni para se të jetë tepër vonë!"