"Kundër padrejtësisë, në mbrojtje të UÇK-së dhe së vërtetës", nën këtë thirrje, mijëra qytetarë mbushën sheshet e Prishtinës. Ata protestuan kundër Gjykatës Speciale dhe padrejtësive në gjykimin e ish-krerëve të Ushtrisë Çlirimtare të Kosovës. Organizata e Veteranëve të Luftës udhëhoqi protestën pasi u bë e ditur se Dhomat e Specializuara kishin pranuar prova nga shteti serb e konsiderojnë se ka devijuar nga misioni i saj. Kjo gjykatë është e njëanshme, anti-UÇK dhe anti-shtet i Kosovës. Ne kemi ditur të bëhemi bashkë gjithmonë kur është rrezikuar identiteti ynë dhe jemi bashkuar edhe sot, pasi po rrezikohet liria dhe e vërteta e luftës sonë. Po rrezikohet pavarësia jonë, pasi Gjykata Speciale e ka devijuar misionin e saj. Gjykata Speciale po deformon historinë tonë nën petkun e drejtësisë që e ka përdhosur. Kjo gjykatë po bën padrejtësi ndaj atyre që u ngritën për liri, dinjitet dhe ekzistencë njerëzore