Dhjetra mijëra qytetarë u mblodhën në qendër të Stockholm për të protestuar kundër certifikatës së vaksinimit pasi qeveria ditët e fundit ashpërsoi masat. Megjithë numrin e madh të pjesëmarrësve protesta ishte paqësore dhe nuk u shënuan incidente edhe pse policia kishte paralajmëruar për përplasje. Policia vendase e sigurisë ishte e shqetësuar për “grupet neo-Naziste” që mund të përplasesihn me kundërshtarët e tyre në Stokholm. Të paktën 10,000 njerëz marshuan në rrugët e kryeqytetit duke brohoritur "Jo Vaksinë-Pass, duam liri". protesta u organizua nga një grup i quajtur “Lëvizja e Lirisë”. 30-vjeçarja pjesëmarrëse Julia Johansson, tha se pasaporta e vaksinimit "është diskriminuese” "Ne duhet të vendosim vetë se çfarë duam të bëjmë me trupin tonë”, tha ajo për rrjetin AFP. Në të njëjtën linjë ishte edhe 35 vjeçarja Aida Begovic e cila tha se "ata po detyrojnë njerëzit të kryjnë procedura mjekësore që nuk i dëshirojnë”. "Sado që thonë se vaksinimi nuk është e detyrueshme, nëse nuk e bën mund të humbasësh të drejtat në shoqëri”, tha Begoviç.Suedia e ka bërë pasaportën e vaksinimit të detyrueshme më 12 janar.