Kryeministri Rama mblodhi sot grupin parlamentar të Partisë Socialiste dhe kabinetin qeveritar. Takimi u zhvillua në pallatin e Brigadave dhe zgjati rreth katër orë. Në fokus të kryeministrit ishte integrimin, në veçanti u ndalën në kapitullin 24 të negociatave që lidhet me çështjet “drejtësia, liria dhe siguria”. Raportimi mbi integrimin e Shqipërisë në BE u mbajt nga ministri i jashtëm Ferit Hoxha dhe kryenegociatorja Majlinda Dhuka, ndërsa kryeministri Edi Rama ju dha porosi ministrave që të forcojnë komunikimet me qytetarët për ndërgjegjësimin mbi procesin e anëtarësimit. Në mbledhje kryeministri Edi Rama i ka tërhequr vëmendjen ish-ministres së jashtme Elisa Spiropali, lidhur me qëndrimet publike që ajo ka mbajtur pas largimit nga kabineti. “Herën e parë nuk votove, herën e dytë bëre çarçaf, herën e tretë del nga Grupi”. Në përgjigje të kritikave të Ramës ka reaguar edhe ish-ministrja spiropali. “Nuk është trimëri të përjashtosh, trimëri është të dëgjosh”. Në fund Rama u ka kërkuar të tijëve të kenë në vëmendje platformën e krijuar për diasporën dhe gjithashtu të angazhohen për rienergjizimin e strukturave me takime në terren.