Marrëveshje, fonde për reformimin energjisë në rajon, por edhe mesazhe të qarta: kjo është ajo cfarë pritet nga samiti i Berlinit, dhe i pari prej ketyre mesazheve mbërriti tashmë. "Status quoja është e papranueshme. Nuk mund të vazhdohet kështu, që statusi i Kosovës të kthehet në 'mollë sherri' për çdo çështje”, deklaroi një zyrtar i lartë pranë kancelarit Olaf Scholz, sipas të cilit kjo është arsyeja edhe se përse Gjermania dhe Franca kanë dalë me një plan konkret për dialogun. Sot nuk ka më vend për konflikte të tilla, me potencial shpërthyes, siç është ai midis Kosovës dhe Serbisë”, shtoi ai. Edhe vetë Aleksandar Vucic tani po parashikon që Serbia, pa pasur nevojë të njohë shtetësinë e Kosovës të hapë rrugë për anëtarësimin e Kosovës në institucione ndërkombëtare, sidomos OKB, dhe në këmbim të marrë përfitime ekonomike dhe një anëtarësim më të shpejtë në BE. Por vëmendja në këtë samit të rëndësishëm nuk është vetëm për Kosovën. Pamjet: AFP