Një 60-vjeçar nga Kolonja, emigrant në Greqi ka humbur kontaktet me familjen prej ditës së shtunë, ndërkohë që policia në kërkim të një 60 vjeçari. Mësohet se 60-vjeçari ka telefonuar ditën e djeshme familjarët nga Greqia, duke i njoftuar se do të kthehej në Ersekë. Ai punonte në shtetin grek me punë sezonale, ndërsa ka marrë rrugën për t'u kthyer nga mali i Gramozit në kushte shumë të këqija atmosferike për shkak të reshjeve. Familjarët janë munduar ta kontaktojnë në telefon por nuk kanë mundur të flasin më me 60 vjeçarin. Sipas policisë nuk dihet ende nëse ka ndodhur gjë me të, apo është kthyer mbrapsht drejt shtetit grek. Kërkimet kanë filluar që prej ditës së shtunë, ndërsa këtë të diel nëpërmjet dronit është bërë krehja e një pjese të zonës së Gramozit, por pa rezultat. Pritet në vijim të shihet në bazë të kërkimeve mes policisë shqiptare, policisë kufitare dhe asaj greke, nëse do të arrihet të gjendet 60 vjeçari.