Një autobus i linjës Tiranë-Elbasan u përfshi nga flakët në hyrje të qytetit të Elbasanit. Fatmirësisht pasagjerët kanë zbritur në kohë dhe nuk raportohet për qytetarë të lënduar. Nga zjarri pati vetëm dëme materiale. Ngjarja ndodhi rreth orës 18 të së mërkurës në aksin rrugor “Bradashesh-Elbasan”. Policia njoftoi se zjarri ra në pjesën e përparme të mjetit të transportit rrugor duke i lënë kohë shoferit dhe pasagjerëve ta braktisin autobusin menjëherë. Për shuarjen e zjarrit u angazhuan disa zjarrfikëse, ndërsa paraprakisht dyshohet se shkak për të mund të jetë bërë një defekt teknik në mjet. Një grup hetimor po punon për dokumentimin ligjor të shkakut të rënies së zjarrit.