Një shkëndijë elektrike në Vlorë, dhe pakujdesia e fermerit në Gjirokastër kanë bërë që në këto qytetet të regjistrohen dy vatra zjarri, ku për fat të mirë ndërhyrja e shpejtë e zjarrfikësve ka bërë të munduar shuarjen e flakëve në kohë. Një apartament është përfshirë nga flakët mesditën e kësaj të diele në rrugën Transballkanike në Vlorë. Sipas informacioneve, zjarri ka rënë në një banesë në katin e tretë të një pallati, dyshohet se shkak i zjarrit ka qenë një shkëndijë elektrike në ballkon, ku kanë marrë flakë disa materiale plastike. Flakët dhe tymi i dendur krijuan rrezik për banorët e pallatit dhe alarmuan zonën. Falë ndërhyrjes së shpejtë të shërbimit zjarrfikës, zjarri u vu nën kontroll dhe u shua, duke shmangur përhapjen e tij në apartamentet e tjera. Megjithatë, tymi ka shkaktuar dëme në ambientet e apartamentit të prekur, si edhe në hapësirat e përbashkëta të pallatit.