Teksa kërkon të akumulojë mbështetje për partinë e saj, kancelarja gjermane Angela Merkel vizitonte sot qytezën e Altenar në perëndim të vendit, e goditur nga përmbytjet vrasëse të korrikut. Katastrofa e rëndë ka sjellë përsëri në krye të axhendës qeveritare menaxhimin e krizave dhe ndryshimet klimatike. Kristian-demokratët e Merkel janë përballur me humbje të mbështetjes, teksa shkojnë në zgjedhje me kreun rajonal Armin Lashet si kandidat kryesor. Teksa vota e 26 shtatorit po afron, Merkel kërkon të tregojë mbështetjen për komunitetin e prekur të Altenar dhe dy qytezat fqinje të drejtuara nga Lashet, ne landin Rine-Vestfalia. Merkel do të japë dorëheqjen nga politika pas formimit të qeverisë së re, ndërsa premtoi sot mbështetje emocionale dhe miliarda euro në ndihma federale për rindërtimin e infrastrukturës.