Ish-kancelarja gjermane Angela Merkel kritikoi ashpër Bashkimin europian të hënën për mospërdorimin e ndikimit të saj diplomatik për të ndihmuar në përfundimin e pushtimit në shkallë të plotë të Ukrainës nga Rusia. “Mendoj se mbështetja ushtarake që kemi ofruar deri më tani është absolutisht gjëja e duhur për t'u bërë. Gjithashtu mendoj se është e drejtë që të bëjmë shumë më tepër për të krijuar një efekt parandalues përtej mbështetjes sonë për Ukrainën. Ajo që më vjen keq është se, sipas mendimit tim, Evropa nuk po e përdor mjaftueshëm potencialin e saj diplomatik" Gjatë një interviste me transmetuesin publik VDR ajo tha se “Nuk mjafton që presidenti i SHBA-së Donald Trump të mbajë i vetëm kontakte me Rusinë”. Merkel, e cila shërbeu si kancelare e Gjermanisë nga viti 2005 deri në vitin 2021, tha se kishte propozuar krijimin e një formati diplomatik midis BE-së dhe Rusisë gjatë takimit të saj të fundit të Këshillit Evropian në tetor 2021 në fund të mandatit të saj - katër muaj para se të fillonte lufta e plotë e Rusisë kundër Ukrainës. Por ajo shtoi se kjo kishte dështuar për shkak të opinioneve të ndryshme brenda bllokut. “Duhet të vazhdosh të punosh për këtë derisa të arrish një qëndrim të përbashkët. Diplomacia ka qenë gjithmonë ana tjetër e medaljes, edhe gjatë Luftës së Ftohtë”, tha ajo.