Me veprimin e fundit, Angela Merkel duket se legjitimoi përzierjen e shumëdiskutuar të vaksinave, e cila ka marrë vëmendje të madhe së fundi. Kancelarja gjermane bëri vaksinën e kompanisë Moderna, si dozë të dytë kundër koronavirusit, ndërkohë që fillimisht u imunizua me një vaksinë të AstrazaZenecas. Dozën e parë, udhëheqësja gjermane e mori në muajin prill, dhe të dytën tani përpara pak ditësh. Fillimisht ngurrues lidhur me përzierjen e vaksinave, ekspertët shëndetësore tani mendojnë se kjo mund të jetë një ide e mirë pasi forcon reagimin imunitar. Megjithatë, ata thonë se është ende shpejt për të dalë në përfundime. Në muajin mars, Gjermania, bashkë me shtete tjera europiane, e ndaluan administrimin e vaksinave të kompanisë AstraZeneca, pas raporteve për një numër të konsiderueshëm rastesh me mpiksje gjaku në vazhdën e marrjes së saj. Berlini vendosi ta kufizonte përdorimin e saj vaksine për moshat mbi 60 vjeç, por tani e ofron atë për të gjithë të rinjtë.Më shumë se gjysma e popullsisë gjermane e ka marrë tashmë dozën e parë të ndonjë vaksine kundër koronavirusit, të miratuar në Gjermani.