Zonja e parë e Shteteve të Bashkuara të Amerikës, Jill Biden iu bashkua bashkëshortit të saj Joe Biden në takimin me Presidentit e zgjedhur Donald Trump. Jill Biden i bëri ftesë ish-zonjës së parë Melania Trump për takimin tradicional të zonjave të para, por Melania Trump e refuzoi. Sipas asaj që shkruan CNN, shkak u bë angazhimi i Melania Trump në lidhje me librin e saj. Zyrtari i Shtëpisë së Bardhë tha se “Jill Biden i dhuroi një letër të shkruar me shkrim dore Trump. Ne letër shprehej gatishmëria e ekipit të saj për të ndihmuar në tranzicionin e pushteteve”. Gjërat këtë herë mund të jenë ndryshe, pasi Melania Trump ka shumë gjasa që të mos vendoset me kohë të plotë në Uashington, në herën e saj të dytë si Zonja e Parë. Melania Trump pritet të kalojë shumicën e kohës mes Neë York City e Palm Beach në Florida, dhe më pak në Shtëpinë e Bardhë thonë burimet CNN, të cilat insistonin se gjithsesi do të jetë prezentë në eventet e rëndësishme dhe detyrimet e zakonshme te Zonjës së Parë. Burimet shtojnë se ajo nuk preferon të përfshihet në eventet publike por nuk dëshiron të ketë as probleme me presidentin, teksa thuhet se ajo është shpesh “një zë i vazhdueshëm në veshin e të shoqit”.