Melania Trump ka shënjestruar sërish bashkëshortin e saj Donald Trump. Në një intervistë me “Fox News Business”, Zonja e Parë deklaroi se pati "një fëmijëri të bukur " nën komunizëm, një sistem politik që bashkëshorti i saj shpesh e quan "kërcënimi më i keq për Shtetet e Bashkuara". "Unë u rrita nën komunizëm dhe, sinqerisht, nuk më ka munguar asgjë", tha ish-modelja sllovene, bashkëshorti i së cilës përdor shpesh termat "komunizëm" dhe "komunist" për të sulmuar demokratët dhe të tjerë që, si kryebashkiaku i Nju Jorkut, Zohran Mamdani, identifikohen si social-demokratë. "Ata e quajnë veten social-demokratë, por në të vërtetë, janë komunistë.", tha Trump në konventën e republikanëve në Teksas pak ditë më parë. Melania lindi në Novo Mesto, Slloveni, në vitin 1970 dhe u rrit në ish-Jugosllavi. Më vonë ajo u zhvendos në Shtetet e Bashkuara në vitet 1990 për të ndjekur karrierën e saj si modele dhe u bë shtetase amerikane në vitin 2006.