Njerëz kërcënin sot rreth varreve të të afërmve, luanin muzikë dhe jepnin ofrimet e tyre për Ditën e Të Vdekurve në Meksikë. Tradita festive është e rrënjosur në kulturën e popujve indigjenë, dhe në besimin se shpirti i të vdekurve kthehet në tokë, natën e 1 e 2 nëntorit. Besimtarët e vërtetë dëshmojnë në atë ditë dashurinë dhe kujdesin për të dashurit e tyre të ndjerë. Altarët dhe faltoret mbushen plot me fotografi, dhurata dhe ushqime për ta, çka e bën këtë festë të mos duket dhe aq e frikshme, por si një grumbullim mes familjarëve e miqve. Traditat dhe aktivitetet që zhvillohen në festimin e Ditës së të Vdekurve shpesh ndryshojnë nga nje qytet në tjetrin. Ato përfshijnë vallëzime me kostume shumëngjyrëshe, shpesh me maska në formë kafke ose maska djalli. Në mesnatën e 2 nëntorit, njerëzit ndezin qirinj dhe ngasin kanoe mariposas për në Janitzio, një ishull ne liqenin Patzuaro.