Një Tokë tjetër, por shumë më e madhe. Ky duket të jetë zbulimi i bërë nga Universiteti i Wisconsin- Madison, të cilin një nga studiuesit e tij, Max Kroft, do ta prezantojë në revistën shkencore “The Astronomical Journal”. Planeti i ri është shkëmbor si Toka, 2.5 herë më i madh, por 23 herë më masiv. Në praktikë, një mega-Tokë rreth 87 vite dritë larg nesh, një kombinim mjaft anormal i masës dhe madhësisë. Sipas Kroft, është e lehtë të gjesh planetë shkëmborë të ngjashëm me Tokën në hapësirë, por zakonisht janë shumë më të vegjël, por këtë herë janë dy herë e gjysmë më të mëdhenj. Ky klasifikohet si një Tokë e dytë, një Tokë tjetër. Është shkëmbor, por masa e tij është aq e madhe për këtë lloj planeti sa është më i ngjashëm me atë të planetëve të gaztë, si Saturni ose Jupiteri. Planeti i ri është quajtur “GJ-523-B” . Vëzhgimet, të bëra në Arizona me një teleskop, tregojnë se ky planet është relativisht i ri: është 170 milionë vjeç, orbiton yllin e tij çdo 17.75 ditë dhe ka një rreze 2.55 herë më të madhe se Toka. Një enigmë e vërtetë për shkencëtarët, të cilët tani do të duhet të fillojnë kërkimin për planetë të tjerë të ngjashëm për të deshifruar atë që duket të jetë një mister për modelet e formimit planetar të studiuara deri më tani.