I zuri pamjen e televizorit gjatë njërës prej ndeshjeve të Anglisë në kampionatin europian, dhe kaq mjaftoi që një i ri shqiptar të godite tre herë me thikë një tifoz britanik. 30 vjecari Pllumb Hysa është dënuar tani me 9 vjet heqje lirie pas sulmit brutal mbi 59 vjecarin, që mori lëndime të rënda, por fatmirësisht nuk vdiq. Shtetasit shqiptar i ishte kërkuar që të mos bllokonte televizorin gjatë ndeshjes me Ukrainën teksa mbështetësit e kombëtares angleze ishin mbledhur të hsihnin ndeshjen ne Hotel Mill në Chester më 3 korrik. I zemëruar me viktimën e tij, shqiptari mori një thikë dhe e fshehu në brezin e pantallonave, e më pas e ndoqi në tualet dhe ku dhe e sulmoi. Njëra nga plagët që mori 59 vjecari ishte afër zemrës. Në foton e shpërndarë nga Policia, Hysa shihet me sy të nxirë, pasi gjatë arrestimit u godit me grusht nga një shok i viktimës.