Katedralja Sagrada Familia është padyshim simboli i Barcelonës dhe vit pas viti tërheq mijëra turistë duke u bërë një nga tempujt më të famshëm në të gjithë botën. Por ndërtesa unike e projektuar nga një prej arkitektëve më të mëdhenj të shekullit XX, Antonio Gaudit ka më shumë se një shekull në ndërtim dhe mund të konsiderohet pa frikë si katedralja që nuk përfundon kurrë. Ndërtimi i saj nisi në vitin 1882 dhe prej atëherë, të gjithë turistët e shohin në ndërtim e sipër. Gjatë jetës së Gaudit, vetëm fasada e Krishtlindjeve u përfundua. Ajo kurorëzohet nga katër kullat e apostujve. Arkitekti i kushtoi vëmendje të veçantë dekorimit të kullave, duke u përpjekur ta bënte atë në mënyrë që, sipas fjalëve të tij, "engjëjt të ishin të lumtur t'i shikonin ato". Ata që po zbatojnë projektin thonë se kanë planifikuar që katedralja të përmbyllet deri në vitin 2030. Le të presim deri atëherë, për ta parë të përfunduar! Pamjet: AFP