Në vendimin e zbardhur të gjykatës antikorrupsion janë renditur faktet që kanë krijuar bindjen e plotë për përfshirjen e Ilir Metës në korrupsion, pastrim parash dhe fshehje të pasurisë. Hetimet zbuluan se në kohën kur ishte ministër i ekonomisë dhe energjitikës, ilir meta ka patur ndikime korruptive dhe përfitime monetare në çështjen CEZ-DIA dhe ka kërkuar dhe pranuar shuma të konsiderueshme parash nga administrator i DIA-s kastriot ismailaj. Udhëtimet e përbashkëta me kastriot ismailajn, deklarimet e bashkëshortes së këtij të fundit, tabulatet telefonike dhe dëshmitë e personave të pyetur nga spak, kanë konfirmuar dyshimet për marrëdhënien e ndërlidhur ngushtësisht mes ilir metës dhe kastriot ismailajt. Marrëdhënie e cila ka ndikuar drejtpërdrejt në procesin e përzgjedhjes së DIA-s për të kryer shërbimet e mbledhjes së borxheve të CEZ-it, pavarësisht se shoqëria nuk përmbushte të gjitha kriteret ligjore dhe profesionale për të menaxhuar detyrime të kësaj natyre. Sipas dosjes, shoqëria “DIA”, përmes kësaj marrëveshjeje ka përfituar në mënyrë të parregullt shumën prej 649 milione e 803 mije e 520 lekësh. “Nesër në darkë duhet të takohemi patjetër, më duhen 200 mijë patjetër. Mos harro”. Ky mesazh i mbërritur në telefonin e Kastriot Ismailajt në vitin 2009 nga numri që ka patur në përdorim ilir meta, tregon se si ish-ministri i energjetikës kërkonte para nga administrator I dia-s në këmbim të kontratës me cez-in. Ky dyshim përforcohet edhe më shumë nga deklarimet e bashkëshortes së ismailajt, vojsava ismailaj në një intervistë që është përfshirë në dosje. Ajo flet për një presion të vazhdueshëm të ilir metës ndaj bashkëshortit të saj dhe bizneseve të tyre, për të ushqyer me para fushatat elektorale të ish-lsi-së. “Kastrioti ka qenë mik me Ilir Metën. Ka qenë pikërisht Ilir Meta që ka pasi kishte realizuar uljen e çmimit të energjisë, i kërkonte Kastriotit që tu kërkonte çekëve që ta shpërblenin atë. Jo vetwm ai. Mjafton të shohësh SMS-së që Ilir Meta i ka dërguar kastriotit dhe e kupton lehtësisht këtë. Ilir Meta kishte fushatën elektorale dhe erdhi të Kastrioti dhe i kërkoi 300 mijë euro. Kastrioti ia dha. Ai me paturpësinë dhe pangopësinë erdhi dhe kërkoi prap para, Kastrioti nuk i dha dhe i tha se e kishte paguar kuotën te partia. Ai vazhdonte bënte presion. Tani që Kastrioti është në burg vazhdon të kërkojë para me forma presioni. Unë nuk kam para për të paguar shantazhet e Ilir Metës ndaj zgjodha të ikja për sigurinë e djalit tim.” Ish presidenti i Republikës, Iliri Meta, aktualisht drejtues i Partisë së Lirisë, u arrestua të hënën në mesditë dhe nesër në mëngjes Gjykata e posacme antikorrupsion do të zhvillojë seancën e marrjes në pyetje, për verifikimin e kushteve të masës së sigurisë së shpallur në mungesë.